31/7-2/8 Day 10-12
30／7覆診主要睇卵子的情況，我滿心歡喜諗住都打曬8日針，可以還針盒，但護士表示要睇醫生決定要唔要再打針。我聽後，甚為不安。
終於等叫號見醫生，醫生表示見面主要陰超觀察卵子的生長程度，結果我左邊2粒，右邊3粒，以我這個年紀算弱，但醫生表示貴精不貴多，無奈暫時無一粒合格，因為抽卵的基本大小為18mm-22mm,10mm 勉強合格作紀錄，我最大粒的只有9mm,所以要打多3日針藥，而且要加大劑量。
老公比我更緊張，佢係門外聽，但乜都聽唔到，報告出左，醫生用了不同的人跟我分析，話針藥對我卵巢幫助得太少，有啲甚至停止生長，但亦有啲卵子受左針藥都會變大，醫生見我眼有黑眼圈都問我是否睡眠不足都會影響卵子質素。
因為我教書，習慣某個時段起床，但可能人比較緊張，就要打針，結果比返工的日子更早起床又訓唔著。
最後護士唔肯多借一套針盒給我，我覺得我只借三日，我要你針盒做乜，不過算了，護士對於我們做試管的沒有很多的同理心，可能見慣了，甚至講了句你預左係甘樣打，我們幫你打都係甘打，其實我第一針俾你哋打都打瘀左，我唔需要同情，但只係想對病患好些。
跟老公吵了一輪，喊了好一陣子，打針對於我而言，真係好大壓力，有誰喜歡被針扎
最後還是死死地氣自行打針，但情緒很差很波動
沒有留言:
張貼留言